الى الاعضاء

السلام عليكم يا احلى اعضاء ...كيفكم ؟ ان شاء الله بخير ؟؟
عشان هلأ تضحكو...............او تعيطو زي ما بدكم ما بدي افرض عليكم اشي
لا هلأ عنجد اقرأو الموضوع وورجوني ردودكم


سندريلا



لبست الفسطان وراحت جري عالكصر وشافها الأمير وحبها وركضوا سوا وفجأة دكت الساعة طنعش وجراي وصارت ترمح و ترمح ووكعت بابوجها عالدرج.

سندريلا راحت عالبيت واتمنت لو انو الساعة ما دكتش على الطنعش، بس شو تسوي بحظها المشحر مثل حظ هاظا الشعب.

الأمير حط فردة البابوج على مخدة يمكن لونها زركة أو نهدي، المهم صار ينادي بالصوت على كل البنات عشان يِِكسِن البابوج، كَسِن كل البنات إلا سندريلا .......

سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ظربها الأمير شف، وحكالها: وين جاي ياما، حكتلو: يقطع وجهك ما أزنخك، مش شايفني بدي أكيس البابوج هاجم علي زي كباظ لرواح.

حكالها: وحدة مثلك كيف بدها تكون فلكة الكمر هديك، حكتلو: هسا بفرجيك وأحط على عينك ولما اجت تكيسها، ما طلعت كد اجرها، لأنها كانت ورمانة من كثر الشغل، ويا حرام ما حدا صدكها، وانجنت المشحرة ودارت في الشوارع، والأمير اتجوزغيرها وحكى: لوينتا بدي أظل ادور عليها الله لا يردها هي الخسرانة.

وعاش مع مرتو الجديدة حياة مكلعطة خطية المسخمة سندريللا اللي كسر خاطرها كدام الناس.

وتوته توته خلصت الحتوته